მიმდინარეობს ტექნიკური სამუშაოები, რის გამოც საიტზე განთავსებული ინფორმაცია შეიძლება იყოს არაზუსტი

როგორ შევარჩიოთ საუკეთესო შპალერი?

ახალი გარემონტებული სახლისთვის ერთი შეხედვით ყველაზე მარტივი ნაბიჯი შპალერის არჩევაა, მაგრამ როცა საქმე საქმეზე მიდგება, კონკრეტულ მაღაზიებში ათასნაირი ზომის, ფერის და ხარისხის შპალერს შეხვდებით. 



როგორ შევარჩიოთ შპალერი? 


შპალერის შესყიდვისას აუცილებელია მიაქციოთ ყურადღება რამდენიმე ნიუანსს რადგან მაგათზე დამოკიდებულია საერთო შედეგი.

პირველ რიგში დარწმუნდით, რომ შეძენილი შპალერის რულონი ერთი პარტიის და სერიის გამოცემაა. 


როგორ შევარჩიოთ შპალერის დეკორი? 


იდეალური იქნება თუ შეარჩევთ შპალერის დეკორს ერთი და იმავე კოლექციიდან. მთავარი ფაქტორია კედლების ხარისხის დონე: 

  1. თუ კედელი უსწომოსწორო ხაოიანი ან ზოგ ადგილებში ოდნავ ამობურცულია ამოარჩიეთ შპალერი აბსტრაქტული ნახატით რომლის გათანაბრება არ არის საჭირო. აგრეთვე კედლის დეფექტების დასაფარად გამოგადგებათ ორი ან სამფენიანი შპალერი გამოკვეთილი ნახატით; 
  2. თუ ოთახი დაყოფილია ბოძებით სასურველია არჩევანი გავაკეთოთ ფერად და მკვეთრ ნახატიან შპალერებზე; 
  3. თუ ოთახის ფანჯრები მიმართულია სამხრეთით დეკორის სპეციალისტები გვირჩევენ ცივი ტონების არჩევას; 
  4. თუ ოთახის ფანჯრები მიმართულია ჩრდილოეთითკენ, მაშინ სჯობს ავარჩიოთ თბილი გამა რომელიც შექმნის მზის სითბოს შეგრძნებას იმ შემთხვევაშიც თუ გარეთ საერთოდ არ არის მზიანი ამინდი. 


როგორ გავაკრათ შპალერი?


  1. დიდი მნიშვნელობა აქვს ოთახის ოპტიმალურ ტემპერატურას: სარემონტო პროცედურების დროს სასურველია, ოთახის ოპტიმალური ტემპერატურა იყოს 10C დან 23C-მდე და ტენიანობა არა უმეტეს 60%. 
  2. ერთ-ერთი აუცილებელი ნაბიჯია კედლების მომზადება: კედლები სასურველია იყოს გლუვი, მშრალი და სუფთა. მომზადებისას უნდა მოვაშოროთ ძველი საღებავი ან შპალერი და შევაკეთოთ დაზიანებული ადგილები თაბაშირით. 


როგორ შევარჩიოთ შპალერის წებო? 


აუცილებლად გამოიყენეთ შესაბამისი წებო კონკრეტული შპალერისთვის, მაგ: ქაღალდის შპალერისთვის აუცილებლად უნდა გამოვიყენოთ ქაღალდის წებო; ფლიზელინისთვის - ფლიზელინის წებო და ა. შ . 


იმ შემთხვევაში, თუ არ იცით რა ტიპის შპალერი გაქვთ, თითოეულ შეფუთვაზე დატანილია შესაბამისი სიმბოლო. 


შპალერი არა მხოლოდ დეკორირების კომფორტული მასალაა არამედ არასწორი პროპორციების კორექტირების საშუალებასაც გვაძლევს. დიახ! შპალერი დაგვეხმარება დეფექტების დამალვაში, პატარა ოთახის ფართის ვიზუალურად გადიდებაში ან არასწორი პლანოგრამის კორექტირებაში. მთავარია სწორად ავარჩიოთ შპალერის ფერი, ტონი და დეკორი.