მიმდინარეობს ტექნიკური სამუშაოები, რის გამოც საიტზე განთავსებული ინფორმაცია შეიძლება იყოს არაზუსტი

როგორ მოვაწყოთ საძინებელი?

შეიძლება ფიქრობთ - რა არის იმაზე ადვილი, რომ დადგა საწოლი ოთახში და დატკბე სრულფასოვანი დასვენებით? თუმცა თუ გინდათ რომ საძინებელი იყოს არა მხოლოდ დასაძინებელი ადგილი, არამედ კომფორტული გარემო, სადაც შეგეძლებათ სასიამოვნოდ დროის გატარება (და ალბათ ასეც გსურთ), კარგად უნდა დაგეგმოთ და გაითვალისწინოთ რამდენიმე ნიუანსი. რომელი? ახლავე მოგიყვებით:



ავეჯის განლაგება


თუ თქვენი საძინებელი არის მცირე ზომის, ეს სულაც არ არის საგანგაშო: ავეჯის სათანადო განლაგება, თავიდან აგაცილებთ დისკომფორტს. ოთახში საკმარისი სივრცე უნდა იყოს - დარწმუნდით რომ ავეჯი ოთახში სწორად არის განთავსებული. შეძლებისდაგვარად დატოვეთ საწოლის ორივე მხრიდან გასასვლელი, ამისათვის საჭიროა 50-60 სმ-ს დაშორება.  

 

შენახვის ორგანიზება 


ყველაზე გავრცელებული შენახვის სისტემა საძინებელში განცალკევებით მდგარი კარადა ანუ კარადა კუპეა. ასევე განვიხილოთ ღია და ჩაშენებული თაროების ვარიანტი, რომელიც გამოდგება წიგნებისა და ლამაზი დეკორატიული ნივთების განსათავსებლად. გნებავთ გამოიყენოთ კედელი შესანახად და ოცნებობთ მათზე სურათები დაკიდოთ? თქვენთვის მოსახერხებელი იქნება დაბალი კომოდები, ასე დეკორისთვის საკმარისი ადგილი დაგრჩებათ.




ადგილი დასვენებისთვის 


რა თქმა უნდა, საწოლი საძინებლის ცენტრია, მაგრამ მასზე არც თუ ისე ხელსაყრელია წიგნის წაკითხვა ან ყავის დალევა. თუ ოთახის ფართი საშუალებას გაძლევთ, გამოყავით ადგილი რბილი სავარძლისთვის, ნათურითურთ: დაამატეთ მას თბილი პლედი და წყვილი ბალიში და თქვენ მას ვერ შეელევით მისატოვებლად.




სამუშაო ადგილი 


ზოგიერთ საცხოვრებელში ძნელია ცალკე კაბინეტისთვის ადგილის გამოყოფა და ხშირად საჭირო ხდება გამოვყოთ მყუდრო კუთხე საძინებელში. გამონახეთ კომფორტული ადგილი მაგიდისთვის - სასურველია თუ ფანჯარასთან იქნება. კარგი განათებისთვის შეათვალიერეთ მაგიდის ლამფა. ასევე სასურველი იქნება რამდენიმე თარო წიგნებისა და სხვადასხვა ნივთების ჩამოსადებად. 




ზონირება


მოდით რემონტის დაწყებამდე, ოთახში გამოვყოთ რამდენიმე სფერო, ესენია: საძინებელი, სამუშაო და დასასვენებელი. თქვენ შეგიძლიათ თქვენი სამუშაო ადგილი გაალამაზოთ სხვადასხვა მოსაპირკეთებელი მასალით, ფონი უფრო მეტყველი რომ გახადოთ. საინტერესო გადაწყვეტილება იქნება თუ კედლის ნაწილს ლამინატით ამოვაშენებთ. წიგნის წასაკითხი სავარძელი რომ უფრო შესამჩნევი გახდეს, საკმარისია რომ მასზე გემოვნებით შერჩეული ფუმფულა ხალიჩა დავაფაროთ. 




საძინებელი ადგილის გამოყოფა საცხოვრებელში


ამ ბოლო დროს დიდად მოთხოვნადია სტუდიური სტილის ბინები. როგორ გამოვყოთ საძინებელი? იდეალური ვარიანტს შემოგთავაზებთ - დავაყენოთ ნახევრადგამჭვირვალე მინის კედლები ან თაბაშირ-მუყაოთი ამოვაშენოთ. უფრო ეკონომიური იქნება, თუ კედელზე ფარდებს ჩამოვკიდებთ სპეციალური სამაგრების საშუალებით. 




განათება


თუ თქვენ გსურთ შექმნათ სასიამოვნო გარემო საძინებელში და მშვიდად დაისვენოთ, მაშინ გასანათებლად ერთი ჭაღი საკმარისი არ არის. გთავაზობთ სხვადასხვა ფუნქციური საცხოვრებლისთვის შესაფერისი განათების შერჩევის რამდენიმე ნიმუშს: საწოლის თავთან ახლოს დადეთ სანათი ლამფა ან დაკიდეთ ბრა. სამუშაო მაგიდისთვის შეიძინეთ მაგიდის ნათურა. თავიდანვე უნდა დავიჭიროთ თადარიგი სანათი ლამფებისათვის დენის ჩამრთველისა და გამომრთველის დასაყენებლად.