საუკეთესო ფერთა შეხამება თქვენი საძინებლისთვის

ერთ-ერთი პირველი კითხვა, რომელიც გვიჩნდება რემონტის დაწყების წინ საძინებელთან მიმართებაში შემდეგია - რომელი ფერი ავირჩიო? რადგან ფერები დიდ გავლენას ახდენს ოთახის ატმოსფეროზე და ხასიათზე, რომლითაც თქვენ ახალ დღეს იწყებთ. გთავაზობთ საუკეთესო ვარიანტებს.      

 ბეჟი ფერების პალიტრა 

ბეჟი ფერის ელფერი იდეალურად ეხამება საძინებელს, ოთახს სადაც გსურთ სიმყუდროვის და სიმშვიდის შექმნა. აირჩიეთ სადა, თვალისთვის სასიამოვნო ფონი: ეს შესაძლებელია იყოს საღებავი, შპალერი ან დეკორატიული თაბაშირი. ლოგინისთვის აირჩიეთ შალის ფუმფულა გადასაფარებელი და დეკორატიული ბალიშები - შესაძლებელია ერთი და იმავე ტონის. არ დაგავიწყდეთ დეკორი, მაგრამ გახსოვდეთ, არც გადაჭარბება არის კარგი. ოთახს მოუხდება ხის ან ფერად ჩარჩოში ჩასმული სარკე. ასევე, პოზიტიური განწყობისთვის - ოჯახის ფოტო თხელ ოქროსფერ ჩარჩოში.


ქვიშის ფერს + ცისფერი



ცისფერის, და ცის ელფერის ფერები - იდეალური არჩევანია, თუ გსურთ მყუდრო საძინებლის შექმნა, ამგვარი პალიტრა მოგაგონებთ ზღვის ნაპირზე დასვენებას. კედლებთან მიმართებაში გამოიყენეთ ნათელი ბეჟი ფერი, დღის განმავლობაში ამგვარი ფერი თქვენს სახლს უფრო ნათელს გამოაჩენს.   საწოლთან ახლოს ერთი ან ორი, მუქი ლურჯი ფერის ნოხი აირჩიეთ,რომელსაც ოკეანის ფერის ელფერი დაჰკრავს. იგივე ფერებში შეუხამეთ საწოლს გადასაფერებელიც. ნაქსოვი ფარდა კარგი არჩევანი იქნება, რომელიც ურთიერთთანხვედრაში გამოვა კედლის ფერთან. და ბოლოს დეკორი: თაროებზე მოათავსეთ ღია მწვანე ფერის ლარნაკები, გააფორმეთ საწოლი რამდენიმე ბალიშით. და რა თქმა უნდა, არ დაგავიწყდეთ ზღვის პეიზაჟი: სურათი, პოსტერი ან ნახატი.


ნაცრისფერი + ვარდისფერი


ნაცრისფერი ვარდისფერის ელფერით კარგია, როგორც დღის განმავლობაში, მზის შუქზე, ასევე საღამოს. კედლებს მოუხდება ნაცრისფერის ყველაზე ნათელი გადასვლები. ასევე ვერცხლისფერი დეკორატიული თაბაშირიც.   ალბათ იკითხავთ: ნაცრისფერი თუ ვარდსიფერი? გააჩნია იმას, თუ როგორ გინდათ რომ გამოიყურებოდეს თქვენი ოთახი, მკაცრად თუ ნაზად. მეტი სიმყუდროვისთვის დაამატეთ ოთახის ინტერიერს რბილი და ფუმფულა ბამბის პლედები. ნუ გამოიყენებთ ძალიან კაშკაშა ვარდისფერ ნივთებს დეკორში. უპირატესობა მიანიჭეთ მშვიდი ფერის საგნებს, მაგალითად გამოიყენეთ ნახევრად გამჭირვალე ლარნაკი და ორიგინაური კედლის საათი.


ლავანდის პალიტრა


იცით კიდევ რა? ჩინებული ლავანდის ელფერი კარგია საძინებლის გაფორმებითვის. გსურთ უფრო მკაცრი ატმოსფერო? მაშინ აირჩიეთ ჩამჯდარი და გაჯერებული ფერის საღებავი ან შპალერი. ნაზი და ჰაეროვანი ინტერიერისთვის. შეეხამება უფრო იისფერის გადასვლები. ღია ყვითელი და თეთრი - გამოიყენეთ ფარდების არჩევისას, ასევე გადასაფარებლის და ბალიშების შემთხვევაში. შესძინეთ ოთახს ინდივიდუალურობის იერი. გააფორმეთ ლამაზ ჩარჩოიანი სარკით და გამოიყენეთ კერამიკის ლარნაკები. ასევე, პროვანსის სტილში პეიზაჟის სურათები.