9/9

როგორ შევარჩიოთ სწორად ფარდები ზაფხულისთვის

ნებისმიერ  ინტერიერში, ფარდას უმნიშვნელოვანესი ადგილი უკავია. მას ოთახში   ესთეტიკური მხარის გარდა,  პრაქტიკული ფუნქციაც აქვს. იმისათვის რომ ოთახის ინტერიერი გამოიყურებოდეს ლამაზად,   ჰარმონიულად, ხაზს უსვავდეს სივრცის ინდივიდუალურობას და ამასთან იცავდეს ოთახს არასასურველი სინათლისა თუ მტვერისგან, აუცილებელია ვიცოდეთ თუ როგორ უნდა შევარჩიოთ ფარდები ოთახებისა და სეზონების მიხედვითაც კი.  რადგან ზაფხული უკვე დადგა, ამ სტატიაში გაიგებთ თუ როგორ  შეარჩიოთ სწორად საზაფხულო ფარდები.

თუ ოთახის ფანჯრები სამხრეთს უყურებს, თხელი ფარდების გარდა აუცილებელია სქელი ფარდა, ან ჟალუზი- ისინი ოთახს შუადღის მწველი მზისგან დაიცავს.


ჩრდილოეთის მხარეს არსებულ ფანჯრებდან საჭიროა მეტი სინათლის შემოშვება და სივრცის ვიზუალური „შემსუბუქება“. ამ შემთხვევაში თავი შეიკავეთ მძიმე და მრავალფენოვანი ქსოვილის შერჩევისგან. იდეალური იქნება თუ კარნიზი  გაკეთდება მთელი კედლის სიგრძეზე, ხოლო ფარდა ჩამოკიდეთ ფანჯრის ორივე მხარეს ისე, რომ თვითონ ფანჯარას არ ფარავდეს. ამ ხერხით ოთახში სივრცის გარდა მეტი სინათლეც გამოჩნდება.

ეცადეთ არ გადატვირთოთ ინტერიერი მძიმე ფერებით. უნდა გახსოვდეთ რომ ძალიან კაშკაშა ფერები ვიზულურად ამცირებს ოთახის სივრცეს, ხოლო დიდი რაოდენობის ნაკეცები ფარდებზე აპატარავებს ფართს და იქცევს ზედმეტ ყურადღებას.




სამზარეულოში-  გამოიყენეთ ისეთი ქსოვილი, რომელიც მარტივად ირეცხება და ასევე რთულად აალებადია. სამზარეულოში სასურველია მოკლე სიგრძის (ფანჯრის რაფამდე) ფარდების დაკიდება. საუკეთესო ვარიანტია რომაული ფარდები, ასევე ფარდა ჟალუზები. ასევე შეგიძლიათ გაითვალისწინოთ, რომ წითელი ფერი მადას აძლიერებს, ხოლო ცისფერი პირიქით-ამცირებს.      

 





მისაღები ოთახისთვის- უნდა შეარჩიოთ ისეთი ფარდა, რომელიც დღისით ოთახში უშვებს სინათლეს, ხოლო საღამოს ბლოკავს სხვადასხვა გარედან შემოსულ  განათებას. გაითვალისწინეთ, რომ ფარდის ჰორიზონტალური წყობა  (მაგალითად რომაული ფარდები)აფართოვებს სივრცეს, ხოლო ვერტიკალური აგრძელებს ვიზუალურად.

 




საძინებელი ოთახისთვის- აუცილებელი რომ ფარდა მაქსიმალურად იცავდეს ოთახს სინათლისა და მტვერისგან, რადგან ძილის ჰორმონი-მელატონინი გამომუშავდება ორგანიზმში მხოლოდ სრულ სიბნელეში.





უფროსებისთვის განკუთვნილი საძინებლისგან განსხვავებით, საბავშვო ოთახისთვის არაა რეკომენდებული ისეთი ფარდების ჩამოკიდება, რომელიც სრულად ახშობს სინათლეს, რადგან ბავშვებს შეიძლება სიბნელის შეეშინდეთ. სასურველია ნატურალური ქსოვილის გამოყენება, მაგალითად  ბამბა.






თუ გინდათ,  რომ გააკეთოთ დროისა და თანხის ეკონომია,  ერთ სივრცეში, კომფორტულად შეარჩიოთ სასურველი ქსოვილი, კარნიზი, თუ ნებისმიერი აქსესუარი  ფარდისათვის, და ასევე მიიღოთ მკერავის მომსახურება, უნდა ეწვიოთ საქართველოში ყველაზე დიდ ჰიპერმარკეტების ქსელ „გორგიას“ , სადაც დაგხვდებათ 500 მდე დასახელების ფარდა, რომელთა ფასიც მხოლოდ 7 ლარი და 50 თეთრიდან იწყება.  ფარდის შეძენა გორგიას ყველა ფილიალშია შესაძლებელი.

ძებნა ბლოგში

უახლესი სტატიები