როგორ მოვაწყოთ აივანი ბიუჯეტურად?

მნიშვნელობა არ აქვს, როგორი აივანი გაქვთ - დიდი თუ პატარა, ღია თუ დახურული. ახლა სწორედ ის დროა, რომ პირადი ქალაქური ოაზისი მოიწყოთ. ამინდის გამოსვლასთან ერთად, შეგიძლიათ გაალამაზოთ თქვენი სახლის აივანი და ამით ოჯახის წევრებსაც გაუხალისოთ ცხოვრება. ჩვენ მოგიყვებით, თუ როგორ უნდა გააკეთოთ ეს სწრაფად და ეკონომიურად.
ბევრ ბინაში აივანი აგარაკის მინიატურულ ანალოგად იქცევა ხოლმე. იქ ძირითადად არასაჭირო ნივთებს ინახავენ, მაგრამ სინამდვილეში, აგარაკის დანიშნულება დასვენება და ბუნებასთან კავშირია. ამიტომ, აივანიც დასვენებისა და განტვირთვის სივრცე უნდა იყოს.

ნაბიჯი პირველი - განათება

განათების დახმარებით შეგიძლიათ შექმნათ კომფორტის შეგრძნება. ბოლო პერიოდში დიზაინერები აივანზე ხშირად იყენებენ ლამპარის ფორმის სანათებს. ასევე, ძალიან ეკონომიური ვარიანტია მზის ენერგიაზე მომუშავე სანათებიც. რა ჯობია გაზაფხულის მშვიდ საღამოს, აივანზე ჩაის დალევასა და წიგნების კითხვას?

ნაბიჯი მეორე - აივნის თაროები თაროები 

ადგილის დაზოგვის მიზნით ძალიან კარგი გამოსავალია. თაროებზე შეგიძლიათ დააწყოთ ლამაზი ნივთები და ქოთნის მცენარეები. ასევე, ძალიან აქტუალურია ხის დასაკეცი თაროები, რომლის ფართო არჩევანი არსებობს და ფასებიც საკმაოდ ეკონომიურია.

ნაბიჯი მესამე - გამწვანება 

აივნის გალამაზების ერთ-ერთი ყველაზე გავრცელებული ვარიანტია- გაზარდოთ ყვავილები, მხვიარები, კაქტუსები და ლიმონის ხეც კი. შეარჩიეთ ისეთი მცენარეები, რომლებიც ზაფხულის სიცხესა და ზამთრის ყინვას უძლებს. მაგალითად, როზმარინი, ნაძვი და ჭყორი ძალიან მარტივი მოსავლელია და შეგიძლიათ აივანზე გაზარდოთ. დეკორატიული ფუნქციის გარდა, როზმარინის ფოთლები შეგიძლიათ კულინარიაშიც გამოიყენოთ. ჭყორს მბრწყინავი, მუქი მწვანე ან ორფეროვანი ტყავისებური ფოთლები და კაშკაშა, მიმზიდველი, თეთრი, ნარინჯისფერი, წითელი ან შავი ნაყოფი აქვს, რომლებიც მთელი ზამთრის განმავლობაში რჩება მცენარეზე. ასევე, შეგიძლიათ აივანი ხელოვნური მცენარეებითაც გაალამაზოთ.

ყურადღება მიაქციეთ ქოთნების დიზაინსაც. „გორგიაში“ ქოთნების ფართო არჩევანი დაგხვდებათ, რომელთა ფასები 3 ლარიდან იწყება.

ნაბიჯი მეხუთე - ავეჯი

ავეჯის შერჩევისას გაითვალისწინეთ მისი ფაქტურა. ავეჯმა უნდა გაუძლოს მზეს, წვიმას, ნესტსა და ყინვას. ყველაზე პრაქტიკული რკინის, ხის ან დაწნული ავეჯია, რომელიც სპეციალურად ექსტერიერისთვისაა განკუთვნილი. მაგალითად გორგიაში 227 ლარად შეგიძლიათ შეიძინოთ მაგიდა ორ სკამთან ერთად.

აივნისთვის იდეალურია ბუდე საქანელაც, რომელიც არის ძალიან კომფორტული და მისი წაღება აგარაკზეც შეგიძლიათ. კომფორტული და ბიუჯეტურია ასევე სკამი- შეზლონგი, რომელიც იკეცება და განსაკუთრებით მოსახერხებელია პატარა აივნისთვის.